සෙල්ලිපි කියැවීම පිළිබදව කෙටිකාලීන පාඨමාලාව
පාඨමාලා ආරම්භය
මාධ්‍යය
දේශන පැවැත්වෙන දිනය
දේශන පැවැත්වීම
ඉලක්කගත කණ්ඩායම්:
සංචාරක මගපෙන්වන්නන්, විශ්වවිද්‍යාල සිසුන්, පාසල් ගුරුවරු, මාධ්‍යවේදීන්, ඉතිහාසය හා පුරාවිද්‍යාව පිළිබද උනන්දුවක් දක්වන පාසල් සිසුන් හා මහජනතාව
මෙවැනි පාඨමාලාවක් අවශ්‍ය වන්නේ ඇයි:
ශ්‍රී ලංකාවේ දිගු කාලීන සෙල්ලිපි සම්ප්‍රදායක් සහිත රටකි. එනිසා ශ්‍රී ලංකාවේ ඉතිහාසය ගොඩනැගීමේ දී සෙල්ලිපිවලින් විශාල දායකත්වයක් ලැබී තිබේ. එමෙන්ම රටපුරා විසරී ඇති දහස් ගණන් සෙල්ලිපිවල ලියවී ඇත්තේ කුමක්දැයි දැනගැනීමට බොහෝ පුද්ගලයන් කුතුහලයකින් පසුවෙයි. ඇතැම් විවාදාත්මක සෙල්ලිපි පිළිබදව හා ඉන් කියවෙන කාරණා පිළිබදව තමාගේම අදහසක් ඇති කර ගැනීමට යමෙකු කැමැත්තක් දැක්විය හැකිය. අතීතය පිළිබදව එවන් කුතුහලාත්මක උනන්දුවක් සහිත එනමුත් සෙල්ලිපි පිළිබදව විධිමත් අධ්‍යාපනයක් සිදු කිරීමට නොහැකිවූ එවැනි පුද්ගලයන් වෙත විධිමත් ශාස්ත්‍රීය දැනුම ලබාදිය හැකි, වගකිවයුතු රාජ්‍ය ආයතනයක් මගින් මෙහෙයවන සෙල්ලිපි පිළිබදව පාඨමාලාවක කාලීන අවශ්‍යතාවක් පවතී.
පාඨමාලාවේ ඉලක්කය:
- සහභාගීවන පුද්ගලයන් ශ්‍රී ලංකාවේ විසිරී ඇති සෙල්ලිපි වර්ග හදුනාගැනීම.
- එක් එක් සෙල්ලිපි වර්ගයන් කුමන කාලවකවානුවකට අයත් වන්නේද සහ ඒවා ලියවී ඇති පොදු අරමුණු හදුනාගැනීම.
- එක් එක් කාලවකවානුවේ භාවිත අක්ෂර පද්ධතිය හදුනාගැනීම.
- සෙල්ලිපියක පද බෙදීම, භාෂා භාවිතය හා භාෂා ප්‍රයෝගයන් පිළිබද මූලික දැනුම ලබාගැනීම
- සරල සෙල්ලිපියක් කියවා අරුත් නගා ගැනීමේ මූලික අභ්‍යාසය සම්පූර්ණ කිරීම.
සම්පත් දායකයන්:
ශ්‍රී ලංකාවේ විවිධ විශ්වවිද්‍යාලවල සෙල්ලිපි විෂය උගන්වන විශ්වවිද්‍යාල කථිකාචාර්යවරුන් හා පුරාවිද්‍යා දෙපාර්තමේන්තුවේ, මධ්‍යම සංස්කෘතික අරමුදලේ සෙල්ලිපි පිළිබද ප්‍රවීනයින්.
පාඨමාලා කාලය:
මාස 3 ක කාලයකදී දේශන මාතෘකා 25 ක් සම්පූර්ණ කෙරෙන අතර දේශන අවශ්‍යතාව පරිදි සෙල්ලිපි කියවීමේ ප්‍රායෝගික සැසි කේෂ්ත්‍රයේ දී සිදු කරයි
පාඨමාලා ගාස්තුව:
මෙම පාඨමාලාව අවසානයේ කැලණිය විශ්වවිද්‍යාලයේ පුරාවිද්‍යා පශ්චාත් උපාධි ආයතනයෙන් පිරිනමන මෙම සහතිකය ඔබට හිමිවේ.
පාඨමාලාව සදහා අයදුම් කිරීම
2023.04.20 දිනට පෙර අයදුම් කරන්න